ياعم امسكها يمكن تطرى

(1)أنت ليه مش بتمسك إيدي وإحنا ماشيين في الشارع؟

- لأ بلاش...افرضي حد من قرايبك شافنا؟ والا حد من أصحاب أخوكي في الكليه؟ ان شاء الله يا حبيبتي بكره نتخطب امسك إيديكي ادام الدنيا كلها.

(2)أنت ليه مش بتمسك إيدي وإحنا ماشيين في الشارع؟

- علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي حبيبتي في الحلال.

(3)أنت ليه مش بتمسك إيدي وإحنا ماشيين في الشارع؟

يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين متجوزين ومحترمين وعندنا بيت نعمل فيه اللي عاوزين نعمله.

(4)أنت ليه مش بتمسك إيدي وإحنا ماشيين في الشارع؟

- يعني امسك إيدك والا امسك إيد البنت والا اشيل الأكياس دي كلها؟

(5)أنت ليه مش بتمسك إيدي وإحنا ماشيين في الشارع؟

- إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟

ههههههههههههههه
حلوووووووووووة اوووووووووووى
قوليلي صح هو ليه كان بيهرب من مسك ايديه

عشان بيني وبينك الرجاله مش رومانسيه

والله موضوع تحفه وهي دي الحقيقه بس انتي مبدراها شويه هي في الاغلب بتبقي بعد الجواز

ماهو مش كل الرجاله زي بعض بس في وفي وانا بوضح في الكلام ده ان الرجاله مفيهومش رومانسيه زينا

هههههههههههههههههههههههههههههههههههههههههههههههههههههه


صح ديه الحقيقة فعلا بس اكيد يعني عندوا فكرة انوا مايمسكش ايديها

اكيد هيه شكلها بقي وحش وبقيت حالتها حالة وهوه لسه امور وكدا

امور