سؤال محيرنى؟؟؟

انا ياجماعه عندى سؤال محيرنى ليه البنات مش تقدر تستغنى عن الميك-اب؟؟

والله ياريمو ماباليد حيله ومن نشاء على شئ شاب عليه بس انا شايفه انوه البنات بتحب تحلى نفسها زياده او بطريقه ااحلى واشيك بس فى بيستعملو الموضوع ده بوضع ميك اب اوفر جدا فى اعتقاد ان العريس هيجى كده

انا عايزه ارد على سؤالك بسؤال انتي مثلا بتحطي مكياح اه ولا لا ولو بتحطي مكياج بتحطيه ليه هل انتي شايفه نفسك وحشه وبتحلوي بيه وافضري ان حصل اي ظرف واتمنعتي من انك تحطي مكياج فعلك هيبقى ايه ساعتها ؟
هو سؤال بس طويل
غير السؤال احب ارد على موضوعك اولا شكرا ليكي لارسالك للمساهمه وبجد سؤال كويس جدا بس انا احب اوصلك ان اغلب البنات تحب انها تظهر او تبقى حاسه انها احلى واحده في الدنيا وتبقى ملفته فأغلب البنات بيشوفو ان المكياج بيعمل كل ده ده غير ان في بنات تقولك لا ده بيداري عيوب وشي وفي الاول وفي الاخر دي حريه رأي تسلمي
وبشكرك تاني مره للمشاركه ونورتي المنتدى

اقولك يا ريمو ليه البنات مايستغنوش عن الميك اب لان بيدارى عيوبهم وعيوب كبيره كمان مثلا البت عنيها ضيقه نبص نلاقى بعد المكياج بقت ايه عينيها واسعه وخدودها دوبلى ومنخيرها صغيرها وهتبقى تتاكل أكل لاكن بصى عليها لما تمسح البهيا هتلاقيها الله ما أحفظنا ياريت يا جماعه بجد الآنسان مش بشكله ولا بمنظره اهم حاجه الاخلاق اولا والآخلاق هايجيب الحاجات الحلوه اللى فيكى كلها ربنا يهديكم جميعا

انا شايفه سوسو ان انتى عندك حق بجد بس انا عندى تعليق مافهاش حاجه لو البت حلوه وحالت نفسها زياده بس فى المعقوووووووول ولو وحشه برده ممكن تحلى نفسها لان مش الكل اهم حاجه الاخلاق عن الولاد كلهم فى ناس اهم حاجه الجمال بعد كده تشوفها مؤدبه واله لا بس لزم يتبص فى وشهاوشكرا

في الاول ارحب بكل الاعضاء الجمال دووووووووووووول اللي منورين المنتدى
وانا بصراحة يا جماعة لي رايى انا اولا مش من محبي الميكب في المراة ده بصراحة
بس عشان كنظلمش المراة برضوا هي من حقها تحط ميكب براحتها زى مهي عاوزة
وانا بعتقد ان الميكب ده فطرة عند المراة زي اهتمام الولد بلبسه وشكله ومظهره
فانا شايفها عادى يعني منورين كلكم
ودى وتقديرررررررررررررررررررررررررررررررررى

مهو المشكله مش في الميك اب الهادي المشكله في الميك اب الاوفر اللي بيخلي البنت ماشيه زي عروسه المولد وهي فاكره ان الشباب عملين يبصولها وهيتجننو عليها بس المشكله انهم بيتفرجو علي منظرها المنيل وهي حاسه انا مزه اخر حاجه وهي بتبقي قرف اخر حاجه وشكرا علي السؤال الجامد ده

هههههههههههههههههههههههه عندك حق والله يارؤى فى بنات بتبقى عامله زى عروسه المولد بالذات فى الجامعات انا بشوف فى جامعتى اشكال موش عروسه مولد دى مجموعه عرايس فى مولد مواحد وتبقى مفكره انها مزه جامده وماشيه اخر قلاطه

يا جماعه المفروض ان البنت متحطش مكياج اصلا عشان ده في ديننا وعقيدتنا غلط اصلا وملهاش حق ان هي ممكن تعمل حاجه تلفت نظر الشباب ليها اصلا يعني انا مش بحط مكياج وبمشي في الشارع مكسوفه امال لو حطيت مكياج بقى
ولله البنات اليومين دول معادش فيه حياء من الاخر لان لو فيه حياء عند البنات مش هنشوف الاشكال البشعه دي
ومعلش يا جماعه هخرج عن الموضوع و اتكلم على الطرح الغريبه اللي بقيت بشوفها البت تبقى ماشيه بالكعبيره اللي فوق دماغها دي بتبقى شبه الكائنات اللي جايين من الفضاء وبتبقى دماغها في الطرحه عامله ري مايكون زرار
انا نفسي معتش اشوف المناظر العره دي

علي فكره ده سؤال مهم جدا وانا اري ان البنات بتستخدمه غلط وانا ولد واحب البنت الي مبتحطش ميك اب لانا بتبقي اجمل بجد وشكرا جدا وانا احييكي بجد علي انك بنت ومش بتحبي الميك اب