ماعدش ينفع نتعلم اننا نتكلم
و نتجاهل اننا نسمع
زي ما بتتكلم اسمع
يمكن ليك حق
و لو استنيت يمكن حقك يرجع
ماحدش كبير علي الغلط
و الغلط مالوش صاحب
ساعات بتغلط و انت مش عارف
و ساعات بتغلط و انت عارف و حابب
ماتنكرش القسوة و انت قاسي
عايز الناس تفضل فكراك
و انت عالطول ليهم ناسي
شايف كل الناس مجانين
و شايف نفسك هادي و راسي
شوف نفسك ف مراية غير عنيك
حاول لما تبص لنفسك
تشوف صورتك ف عيون الناس
اللي مالهمش مصلحة
لا يبكوك و لا يبكوا حتي عليك
واثق من نفسك اكيد؟
طب ليه حاسه رعشة ايديك
قارن نفسك باللي حواليك
ماتبصش لنفسك بعنيك
مممممممممممممممممممممممممممممممممممم
عالطول شايفين نفسنا صح
حتي و لو احنا غلط
عالطول اللسان سابق العقل
لسانك حصانك و ان صونته صانك
اسمع زي مابتتكلم
شغل عقلك ماتصلبش شريانه
انت غلط او انت صح
ماتكبرش ع الغلط
و مش تعيش انك هاتبقي عالطول صح
اسمع و بعدين اتكلم
العقل ثم اللسان
الإثنين يوليو 13, 2009 6:59 pm
