معاك موبيل

بسم الله الرحمن الرحيم




بالصدفة وانا بغير فى القنوات الفضائية لقيت سؤال غريب يطرحه أحد الاشخاص على الشباب بالشارع

يقول له




معــــــــــــــــــاك موبيل !!


طبعا سؤال غريب لأن الكل دلوقت معاه موبيل الغنى والفقير الرجل والمراة الطفل والشاب الفلاح والمدنى




من لا يحمل موبيل الان !!






حتى الاطفال الذين لم يتجاوزوا مرحلة الابتدائى معاهم موبيل
مش مهم بيعملوا به اايه المهم انهم معاهم موبيل !







ما علينا مش ده المهم
المهم بقى عندى ردود الشباب الراااائعة
حاجة بصراحة تفرح القلب






الاول / معاك موبيل ؟ ايوة معايا .. ليه ؟ بستخدموا فى شغلى






لحد هنا حلو





التانى / معاك موبيل ؟ ايوة .. ليه ؟ علشان يبقى معايا طيب ليه استخدامات فى شغلك؟ لا مالهوش






التالت / معاك موبيل ؟ طبعاااااااا .. ليه ؟ علشان لازم يكون معايا طيب لو نزل موبيل جديد بتشتريه ؟ على طووووول ليه طيب قاله كده .. طيب انت عارف كل الاوبشنز بتاع الموبيل؟ أيوة طبعاااااااا





الرابع / معاك موبيل ؟ ايوة .. طيب لييييه ؟ علشان الناس يقولوا انى شايل موبيل احدث موديل



الخامس / كانت بنت معاكِ موبيل ؟ لا .. قلت طيب كويس والله فسألها ليه ؟؟ قالتله علشان محدش يقدر يجيبنى شفتوا الهنا !!



السادس / معاك موبيل ؟ ايوة .. طيب انت بتشتغل؟ لا انا باخد مصروفى من بابا وهو بيدينى فلوس الشحن غير المصروف بتشحن بكم ؟ فوق ال 100 ج فى الشهر



بصراحة الواحد مش عارفة يقول ااايه حسيت ان كل اهتمامات الشباب متمركزة حول الموبيلات وايه الجديد منها وايه اخر اصدار !!

طيب قولى

بتصوم اتنين وخميس
بتطبق سنة النبى
بتقرأ ولو صفحة من القراءن كل يوم
بتبر اهلك .. بتغض بصرك .. بتتحرى الحلال




طيب قولى


تعرف اايه عن الله


تعرف اايه عن رسول الله




يا ترى يا جماعة هنلاقى لكل الاسئلة ده اجابات عند الشباب

!!!!!!!!!!
معتقدش انا عن نفسى لما يكون التفكير بالمنظر ده




ومتهيألى الكلام ده فى محله اوى




ياشباب الامه يارافعين رايتها


ياناسين الامة وناسين حالتها


البنات بتستعرض انوثتها

والولاد بيتباهوا بهيافتها
ينّزل البنطلون شويتين ياترى ياشباب رايحين لفين
نسألهم عن القدوة والدين يقلولك عاوزين نبقى زى نجم الجيل
تامر حسنى وعمرودياب هم دول اللى عليهم العين
طيب ايه هدفك فى الحياااة
يقولك انا عاوز ابقى عمرو دياب
طيب سمعت ايه من اخر الاخباريقولك سمعت عن اخر الاصدارات
من الموبيلات الجديدة والرنات !!تسمع اخر كول تون ولا تشوف اخر الكليبات
كله على موبيلى انت عارف انه احدث الاصدارات
قولى ياتوتو ماما قالتلك ايه قبل ماتنزل
قالتلى ياتوتو اوعى تعاكس البنات عاوز تكلم بنت ادخلها من الشباك الباب يوصل للاهل
والاهل هيطلبوا طلبات خليك مقضيها حب وقضيها مسدات ولما تزهق سبها وشوف غيرها من البنات قلتلها ايوة كده يا مامى هى ده الامهات




انا نفسى اعرف احنا هنفضل كده لحد امتى!

هنفضل لحد امتى مالناش هدف فى الحياة!
هنفضل لحد امتى بنمشى ورا التفاهات!
هنفضل لحد امتى بنعانق الشهوات!
هنفضل لحد امتى بنتفرج على الكليبات ونتابع المسلسلات !
هنفضل حد امتى بنضيع فى اعمارنا!
لغاية ما هنلقى نفسنا فى قبورنا



وساعتها بقى

مش عارفة ساعتها ايه اللى هيحصل ؟


انا عارفه انا كلنا بنسمع اغاني وبنتفرج على الكليبات وافلام ومسلسلات بس ياريت يكون رمضان بدايه لينا يعني على الاقل نقلل شويه

وعاوزه اعرف رايكم في الموضوع ان كتير من الشباب بيهتموو بالتكنولوجيه عن كتير من الحاجات المفروض يعرفها التكنولوجيه مهمه بس الدين اهم

الموضوع جميل جدا جدا جدا جدا

بس انا شايف ان انتى كل حاجة يا شباب يا شباب الشباب هما اللي غلطانيني وهما بس اللي بيعملوا كل الغلط


مفيش يا بنات

شكرا انسان على مرورك بس كلمه شباب دي شامله كلنا مش شرط الشباب الولاد
الموضوع لكلنا

والله موضوع جميل جدا خصوصا موضوع بناطيل الشباب الغريبه اللي بقت اليومين دول لان فعلا شكله في منتها الزباله وشكلهم وهما لبسينه حاجه زباله

شكرا يا نور بجد موضوع مهم جدا للشباب و ياريت اللي يشوفه يعمل بيه ويبعد عن الحاجات اللي هي ممكن تضره في قبره دي

رؤى كتب:

والله موضوع جميل جدا خصوصا موضوع بناطيل الشباب الغريبه اللي بقت اليومين دول لان فعلا شكله في منتها الزباله وشكلهم وهما لبسينه حاجه زباله

تسلمي رؤى مرورك اسعدني بجد وشكرا للاهتمام

yoyo كتب:

شكرا يا نور بجد موضوع مهم جدا للشباب و ياريت اللي يشوفه يعمل بيه ويبعد عن الحاجات اللي هي ممكن تضره في قبره دي

تسلمي يويو مشكوره يا قمر ويسلم مرورك الجميل

عندك حق نور فعلا الشباب والبنات بقت ميلهوم غريبه اهم حاجه المنظره تعرفى يانور انا كنت دارسه فى الاقتصاد ان مصر اغلب مصروفات شعباها موش اكل بل لبس واحداث موبيلات ياعنى فى دول بتعانى من المجاعه واحنا اهم حاجه احداث موب واشيك لبس وممكن نجوع عادى ياعنى وشكرا

تسلمي رولندا رأيك كويس فعلا احنا اكتر اهتمامنا باللبس ومفيش تفكير بغيرنا
هل انتي لو رايحه تجيبي هدوم بتحطي في راسك فكره المجاعات
طبعا محدش فينا بيفكر كده كل اللي في دماغنا نجيب احلى حاجه
تسلمي يا قمر

معاكى حق يا رولندا الايام دى تهتم بالمنظر العام عن اى حاجه موش ترعى حد وتعمل احنا عاوزين وحكايه الشحن دى زاد اوى وكمان كل لما تكبر يبقى الجيل وحشه اوى اكتر من اللى قبل وكمان لبس البنات بقا وحشه اوى الايام دى وبعده كده موش هيبقوا لبسين حاجه خلاص موش زى الجيل القديم كل مره الجيل يتطور شكرا يا نور على الموضوع الخطيره ده

تسلمي رونا وشكرا لمرورك

على فكره يارونا انتى بتقولى ان الجيل القديم لبسوه كان محترم متهيلقلك انت لو بتتفرجى على صور مامتك تلقيها لبسه عريان وفوق الركبه والضيق ولو سائلتيها ياماما انتى اتحجبتى امتى تقولك اول لما خلفت اختك الكبيره هى موش مشكله البس هى مشكله الشباب الشباب زماااااااااااااان كان عندهم رجوله ياعنى كانو بيخافو على بنات بلدهم كان يقدر اى ولد يعاكس كان البلد كلها تقوم عاليه

ايوه والللهي صح فعلا الجيل القديم كان غريب تقريبا كان عندهم مشكلة من الحاجات الطويلة بس بردوا مش نضحك علي نفسنا كل وقت وليه اللبس المعين بتاعوا اللي بيعمل نفس غرض اللبس القديم واللي جي بعد كدا اوحش واوحش

بس مكانش في اللبس ده برضو على فكره متحاولوش تقنعوني ان زمان كان في البناطيل الزباله بتاعت الايام دي والباديهات زي برضو هو اه كان في لبس شويه صعب بس مش لدرجه الاياد دي ده كل فتره اللبس بيقل وتحسي بقى في نقص في القماش
ربنا يهدينا وربنا يستر على اللي جاي

امين يارب اهدي جميع البنات المصرية يارب