طبعا الموضوع واضح من عنوانه انا عايزه اتكلم على الشباب الروشه لدرجه صعبه وهي الشباب اللي مش بتتحمل اي مسؤليه حبيب مامي وبابي من صغره متعود على انه ينجح على درجة درجتين ينجح بوسطة ومتعود على الرفاهية (((حتى اما كبر يصحى الصبح مامي تعمله كوبايه اللبن وبعدين ياكل وبعدين يظبط الطقم الروش الجديد اللي محدش جاب زيه طبعا الولا الفتك يروح النادى يشوف صحابه البنات والموبايل نازل رنات بنات بترن عليه والواد بقى جايب احدث موبايل بعدين يخلص مقبلاته مع البنات تعب يرجع البيت لماما يدخل ينام يعنى الواد تعب مش قادر ويقفل الموبايل علشان ميقطعش نومه يقوم من النوم يتغدى وبعدين يفتح الدش ويشوف قنوات محترمة جدااااااااا
وبعدين يشوف النت طول وبعرض واعد على النت علشان يكلم البنات ويقعد على المنتديات بعدين يخرج مع البنوتة الى مظبط معاها
ويرجع ينام لغاية الصبح الساعة واحدة يقوم ياكل ويعقد يشوف افلام على الفديو وهكدذااا كل يوم
و باباه طبعا تعبان فى الشغل علشان يجبله هو ومامته الأكل الى يكله وهو بيه فى البيت بيربى فى شحط لغاية اما يجى يوم الجواز مامته تقوله يحبيبى عايزين نجوزك و نفرح بيك يقولها يماما انا عايزة بنت عسولة وامورة وجميلة جدااا احلى من مرات توتو صاحبي مامته تقوله و اخلاقها يقولها اهم حاجة الجمال طبعا علشان اصحابه يتفرجوا على دجمالها الولا بقى اللي مفيش زيه ابو شخصيه جامده مامته تجبله البنت دى والبنت دى والبنت دى وهو يرفض مش دى البنت الى فى خيالى))
ايه رأيكوا يا بنات في شباب المستقبل ولا اقولكوا العريس المنتظر بزمتكوا انتوا ترضوا تتجوزا بالطريقه دي؟
على رأيهم تماسيح
على فكرة متفتكرنيش بجيب الكلام ده من الأفلام ده واقع مؤلم
ان الولد دلوقتى فى فترة الأجازة ليه ميقمش يدور على شغل عمر مكان الشغل حرام حتى لو كان غنى لكن شغل بيعلم الواحد على ازاى يجيب القرش بالحلال وعلى فكره انا مش بتكلم على كل الولاد لا هو في وفي وربنا يوفق الجميع
الأربعاء ديسمبر 09, 2009 11:13 am
