الحب بالسن ؟؟؟

الموضوع ده انا حبيت اطرحه عليكم وعايزه اشوف ارائكم
اكيد هو باين من عنوانه وهو الحب بالسن يعني مثلا زمان
كان الراجل وقت ما يتجوز مكانش بياخد غير الواحده اصغر منه
اقل حاجه خمس سنين ولو هو اصغر منها كان يبقى عار في مجتمعنا
انا عايزه اعرف:- لو انت او انتي في الموقف ده يا ترى هتوافق تتجوزها اكبر منك ؟
وانتي توافقي تتجوزيه اصغر منك؟
وعايزه اعرف برضو رأيكو في المجتمع وفكتره من الكلام ده ؟
ولو الموضوع ده حصل معاكو واهلكو وقفوا قصادكو ايه رد فعلكو ؟
ويا رب الموضوع يعجبكو

بصي قبل اي حاجه هو الاحسن ان الواحد يتجوز واحده اصغر منه لكن فعلا اليومين دول في ناس بتتجوز واحده اكبر بس انا بحس ان الموضوع ده بيكون فيه مشاكل كتير لان الواحد لما بيكون صغير بيبقي عايز يفرض سيطرته علي الانسانه دي فبتبقي الحياه كلها مشاكل علي الرغم ان قدوتنا الرسول صلي الله عليه وسلم اتجوز ستنا خديجه وهي كانت اكبر منه ب20 سنه وكان بيعاملها معامله جميله جدا بس للاسف شبابنا لما يحصل معاهم الموقف ده بيتعملو معاها معامله زي الزفت وشكرا علي الموضوع الجامد ده

انا معاكي في اغلب كلامك بس عايزه اقولك ان ساعات مش بيبقى العيب في الشباب يا رؤى ساعات كتير في الاهل يعني مثلا ازاي ابني يتجوز واحده اكبر منه الناس تقول علينا ايه ونفس الحكايه على البنت يعني بيبصولها بصه مجتمه جاهل وتسلمي لمرورك

فعلا العيب بيبقي من كل الاطراف ربنا يهدي بناتنا وشبابنا للطريق الصح

انا موش معاكو الحب موش يعرف سن واله الزاج الرسول عليه السلام كان متزوج اول زوجه السيده خديه كانت اكبر منه وكانت افضل زوجاتوه احبها ياعنى القدوه لينا عمل كده احنا موش نعمل

ما رؤى قالت على موضوع زواج الرسول وبعدين احنا متكلمناش ان العيب من الحب بالعكس احنا بنقول العيب من الاهل ونظره المجتمع للحب ده تسلمي رولندا لمرورك

انا قصدى ان الاهل ليه الاعتراض طالما رسولنا عمل كده ياعنى دايما الاهل يتمنو اننا نعمل زى الرسول ياعنى نعمل فى حاجات وحاجات لا

انا من راى الواحد يتزوج اللى اصغر منه عشان يكون فى تفاهم مشترك انا عارفه قصه حقيقه واحد مجوز واحده اكبر منه بكتير عشان الحب مع انه الاهل كانوا موش موافقين يالرغم من كده ازوج بس دلوقتى موش متفاهمين خلاص ومفيش حاجه مشترك ويحصل مشاكل كتير و عجزت كمان اوى اخدت كل شبابه بس لو كانت البنت اصغر من واحد يبقى مفيش مشاكل خلاص شكرا على موضوع الخطيره ده يانور

اهدي يا رؤى بس متتعصبيش كدا احنا اهم حاجة يعني صحتك طبعا المهم الموضوع ده كويس جدا يا نور وفعلا بقيت بتحصل كتير وكلام رؤى صح

بس لو حصل معايا معتقدش ان تبقي فيها مانع لو كدا يعني

تسلم انسان لمرورك ورأيك

ماشي يا نور مانتى مش عارفة ايه اللي حصلي مااااااااااشي

بس ياانسان هل الاهل هيوفقو صعب جدا علي فكره ومتخفش انا اعصابي هديه جدا

ايه اللي حصلم يا معلم ؟

صح يا رؤى كلامك صح هم الاهل اللي بيقفو عقبه ان ممكن ان الاتنين دول ميتجوزوش
بس فيه نادر جدا لما تلاقي الست اكبر من الراجل متجوزين

بخ



مفيش خلاص يا نور مش حاجة مهمة زي ماكنا لسه بنقول ان السن مش مهم ده رايي بردوا

بخ ايه هنلعب بقى